Përfitime Strategjike - Popullsia në botë po shkon drejt plakjes. Aftësia e kufizuar thellohet me kalimin e moshës. Me rritjen e numrit të konsumatorëve dhe të të punësuarve, bizneset duhet te fillojnë të kenë njohuri mbi aftësinë e kufizuar.

Përfitime komerciale – Punëdhënësit që marrin në konsideratë aftësinë e kufizuar mund të shohin përfitime të menjëhershme komerciale si rezultat i të qënit ofrues më të mirë shërbimesh dhe të lidhur me komunitetin ku veprojnë.

Përfitime ligjore - Opinioni publik dhe legjislacioni kombëtar dhe ndërkombëtar për aftësinë e kufizuar po ndryshon. Bizneset që duan të jenë të suksesshëm duhet të kapin momentin dhe të marrin në konsideratë tendencat drejt gjithpërfshirjes e mbrojtjes së të drejtave të personave me aftësi të kufizuar.

Përfitime Shoqërore - Çdo biznes vepron dhe është i lidhur me ambjentin në të cilin operon, tregun e punës si dhe tregun e shitjeve. është një n që ndikon në shumë disavantazhe. Të paturit në konsideratë të dimensionit të aftësisë së kufizuar ndikon në zhvillim ekonomik të qëndrueshëm.

Përfitime Etike - Opinioni botëror mbi etikën, ndërveprimin dhe trajtimin e personave me aftësi të kufizuar ka ndryshuar në mënyrë rrënjësore. Roli kyç i biznesit si zgjidhës i problemeve, duke ofruar produkte e shërbime për të cilat njerëzit kanë nevojë, do të thotë që ai mund të japë një kontribut të çmuar në përmirësimin e cilësisë së jetës.

Përfitime Profesionale – Aftësia e Kufizuar është një çështje që ndikon në kolegët e punës si dhe në jetët e tyre personale. Drejtuesit që përballen me aftësinë e kufizuar, përfitojnë si aftësitë teknike në manaxhimin e situatave që lidhen me diversitetin, ashtu dhe aftësinë të njohin e të aftësojnë potencialet njerëzore.