Pasi të keni vendosur drejtimin e karrierës suaj, ka gjëra të tjera për tu marrë parasysh, të tilla si ku mund të kërkoni për punë, të përgatisni një CV, letër motivimi apo formular aplikimi.

Të kërkuarit e një vendi pune

Gjetja e një vendi pune që është i duhuri për ju kërkon që të veproni para kohe. Merrni parasysh drejtimet më poshtë kur filloni të kërkoni një vend pune:

• familjet dhe miqtë,
• agjencitë e rekrutimit,
• faqet e internetit që merren me punësimin,
• faqe të punëdhënësve të mundshëm, shërbime lokale të punësimit,
• zyrat mbështetëse për punësim,
• qendrat burimore për të papunësuarit,
• radiot lokale dhe kombëtare,
• faqet e internetit
• madje edhe dritaret e dyqaneve dhe njoftimet publike.

Hartoni një listë të punëdhënësve të mundshëm në zonë dhe kontaktojini ata drejtpërdrejt. Sasia e informacionit që një punëdhënës mund të përfshijë në një reklamë punësimi shpesh është e kufizuar, prandaj mos e bazoni vendimmarrjen tuaj për të aplikuar ose jo vetëm të reklama. Kontaktoni me kompaninë për të marrë informacion më të detajuar mbi specifikimet e vendit të punës.

Aplikimi për punësim

Çdo individ, përfshirë këtu edhe personat me aftësi të kufizuara, mund të aplikoj direkt pranë kompanisë, insitucionit që ka shpallur një vend të lirë pune.

Çdo individ, përfshirë këtu edhe personat me aftësi të kufizuara mund të bëjë deklarimin në e-albania si punëkërkues, duke zgjedhur shërbimin:

Çdo individ, përfshirë këtu edhe personat me aftësi të kufizuara mund të aplikoj direkt edhe duke u paraqitur pranë zyrave të punës pranë zonës ku ai banon. Agjencia Kombëtare e Punësimit dhe e Aftësive (AKPA) mundëson shërbime punësimi si edhe programe aktive të nxitjes së punësimit të cilat lehtësojnë proçesin e punësimit dhe shpesh financimin e tij për kompanitë dhe organizatat vendase.